Sumarnámskeið í Reykjanesbæ

Mið, 18. Maí 2016

Í sumar verða haldin námskeið í Reykjanesbæ á vegum Kóder. Námskeiðin sem verða haldin eru Scratch, Python/Minecraft og Vinnubúðir í vefforritun.

Námskeiðin verða haldin 13. - 15. júní.

Nánar um námskeiðin:

Scratch

Fyrir 1. - 4. bekk.

Á námskeiðinu förum við yfir virkjana í Scratch og kennum ýmsar leiðir til að fá fígúrur til að labba, hoppa, snúa sér í hringi og dansa. Við hönnum bakgrunna sem breytast eftir aðstæðum, framköllum hljóð og útbúum einfaldan tölvuleik.

Kennt er í 3 daga, 2 tíma í senn og kostar 6.000kr.

 

Python/Minecraft

Fyrir 5. - 7. bekk.

Á námskeiðinu munu þátttakendur læra grunn aðgerðir í Python forritun (breytur, föll, listar, lúppur). Hakkast í Minecraft með því að nota eigin kóða, tengja einfalda rafrás og skrifa kóða fyrir Minecraft sem kveikir á ljósdíóðu.

 

Vinnubúðir í vefforritun

Fyrir 14 ára og eldri.

Þáttakendur munu fara yfir grunnatriði í uppsetningu vefsíðu ásamt því að fara í gegnum grunnaðgerðir í forritun með Javascript, forritunarmáli vefsins. Farið verður yfir grunn í HTML, CSS, og JavaScript eins hönnun og uppsetningu á einföldu vefforriti.

Pantaðu námskeið núna fyrir þinn skóla, félagsmiðstöð eða ef þú hefur sambærilegt rými til yfirráða.

Panta námskeið

Styrkja Kóder.is

Hægt er að styrkja Kóder.is með margvíslegum hætti. Ein vinnustöð samanstendur af Raspberry Pi og jaðartækjum (skjár, lyklaborð, mús, SD kort og kaplar) og kostar u.þ.b. €150 evrur (um 21 þúsund kr). Til að halda kostnaði niðri setjum við vinnustöðina saman sjálf.

Einnig er hægt að styrkja einstaka þáttakendur með fríu plássi með styrk upp á €75 evrur (um 10.000 þúsund krónur).

Hafðu samband við okkur ef þú eða fyrirtæki þitt getur hjálpað.

Eftirfarandi fyrirtæki og stofnanir styðja við bakið á okkur ásamt fjölmörgum einstaklingum sem hafa lagt okkur lið.

Hafa samband

Sendu okkur póst ef þú vilt fá frekari upplýsingar um samtökin, námskeiðin, til að panta námskeið í þínu hverfi eða til að styrkja Kóder.is

Senda fyrirspurn

Kóder.is

Áhugi barna á tölvutækni helst ekki í hendur við framboð á námi og verð á námskeiðum í forritun fyrir krakka eru ekki viðráðanleg fyrir tekjulægstu hópa samfélagsins. Við viljum að ungir krakkar geti sótt þetta nám án þess að þurfa að ferðast langar leiðir og greiða fyrir það háar upphæðir. Til að læra forritun er ekki þörf á dýrum vélbúnaði og með því að koma með námskeiðið í þeirra hverfi er ekki þörf fyrir samtökin að reka húsnæði.

Þú getur notað formið hér til að senda okkar póst eða sent okkur póst beint á koder [at] koder.is